唔少人買樓上車除咗係想有一個安樂窩之外，緊係相信有投資作用，博佢三五七年升值後再賣返出去。但買入個時又點諗到佢有可能會淪落到成為「負資產樓」！ 負資產樓顧名思義就係您所持有嘅物業嘅現時市值低於負債金額，即係按揭金額。例如小明買入一個價值600萬嘅物業，做8成按揭，向銀行借480萬，同時亦等於負債480萬。如果買入後下年物業估價跌至400萬，樓價並唔夠用嚟還剩餘嘅按揭金額，咁佢就變成負資產樓啦。當物業變成負資產樓，您就要就要自行填返當中個差額，而係未補差額前，您係唔可以將物業賣出㗎！ 而業主們又可以點避免遇上呢個惡夢呢？除咗97年金融風暴同03年沙士所導致樓價插水式下跌呢類不可抗力因素，其實業主都可喺方面提高注意！ 1.) 避免高成數按揭 雖然越高成數嘅按揭首期嘅壓力就越少，但換句說話嚟講，如果您借8成按揭，當樓價跌多過2成，佢就會成為負資產樓！ 2.) 避免借貸過度 如果您除咗喺銀行借按揭，仲有喺其他財務公司申請二按、三按，好可能累積嘅利息以及負債額已超過樓價，造成負資產樓！ 下期按揭精明眼會同大家講吓同入手負資產樓相關嘅小知識！記得mark實我哋啦！ #198理財 #198finance #198按揭小助手 #198理財小助手 #負資產樓 #業主 #安樂窩 #金融風暴 #樓價 #高成數按揭 #借貸過度
Comments