大家知唔知每一個物業都有一張「身世紙」記錄住佢嘅資料呢？⌛⏳講緊嘅就係土地查冊啦！佢記載住每一個物業由落成到依家經歷過嘅大大小小，作為一個精明嘅準買家，喺擁有佢之前，緊係要睇清楚呢份查冊👀，睇吓有咩風險，保障自己啦~ 唔係分分鐘個賣家係假業主就中伏啦！😰大家可以到「土地註冊處綜合註冊資訊系統網上服務」以$10購買一份該物業現時詳情嘅查冊或者以$25購買一份過去及現時詳情嘅查冊。即刻睇吓土地查冊會顯示咩資料啦：
1️⃣ 物業資料🏠
呢部份會顯示您嘅物業地業、地契年期、業權分數等。
2️⃣ 業主資料👩🏻👨🏻
顯示每一手買賣年份同、成交價、業主名稱同佢哋擁有物業嘅方式 (聯權共有、分權共有)，大家可以對吓業主名睇佢係咪真業主啊！
3️⃣ 物業涉及的轇轕🔀
呢部份就最重要啦！大家可以係呢度睇到物業係咪出租緊、仲承按緊、有無被釘契、有無拖欠管理費、未完成嘅建築命令，例如還原僭建物，同埋係咪已經解除轉讓限制等一系列嘅轇轕。確定買入前清楚知道一切可能承擔嘅風險啊！唔係分分鐘要幫上一手買家執手尾㗎！🤦🏻♀️
記得$10一份嘅查冊係唔會顯示已過去，即已解除嘅記錄，例如按揭同建築命令❌，您可以按需要揀返合適嘅查冊。但大部份出現係查冊嘅都係英文專有名詞，如果睇唔明記得向所屬地產代理或律師樓諮詢專業意見啦~👩🏻💼👨🏻💼
Comentários