雖然世界上賺錢嘅方法唔係只有投資買股票，但投資未嘗唔係一件好事😛，回想當初小編都係出嚟工作咗一段時間先開始投資，諗諗吓都有啲後悔自己點解唔再早啲投資😫！不過仲未開始投資，或者初初接觸投資嘅您，問小編應該要投資邊隻股票小編就唔敢教啦🤣，不過有幾點小編親身經歷過都可以分享吓👩🏫！
1. 盲目投資😎
唔知點揀股票就跟大圍嘅意見去買啦！停停停🤚！錯晒啦！如果您咁樣做嘅話根本唔係投資，而係賭博🎰，買一個連公司都唔知做緊咩嘅股票，梗直就係賭緊自己嘅運氣。真正嘅投資係一種學習嘅過程，做足功課，了解自己嘅風險承擔能力，不斷嘗試最適合嘅多元化投資組合📊，切忌盲目投資，有風跟風！
2. 唔敢投資🥶
初初諗起投資都會諗起啲人話未必賺，要有準備蝕錢甚至負債嘅心態😱，聽到都即刻打退鼓堂唔係講笑，不過所有嘢有得必有失，投資都唔例外，如果您係一個投資新手嘅話，務必要根據自己個人能力去釐定投資嘅本金，唔好一下子拎晒自己成副身家出嚟！最重要嘅係新手唔應該借錢投資🙅♀️，唔係嘅話股市下跌時唔單上失去本金，仲要欠”揹”上一身債！
3. 拖延投資😴
好多人都想再儲多啲錢，再再儲多啲錢先開始投資。但事實上投資真係愈早開始愈好⏱，因為時間會幫您放大投資成果，愈早開始亦會愈早開始享受成果，而且依家股票投資嘅門檻都好低，您手上只要有$10,000就可以係大部份嘅證券公司開戶🤩！睇到呢度嘅您，仲唔快啲嘗試吓！
留言