係人都知道記帳對於理財好重要🤣，但就係逼唔到自己記帳可以點算？😒所以依家手機入面有好多關於記帳嘅Apps俾大家去用，除咗頁面設計📒、圖表分析📊同最基本嘅收入💰支出💸之外仲有好多嘢要考慮，小編計計埋埋都用過10款記帳Apps，所以想分享一下好嘅記帳Apps要包括啲咩啦！即刻睇圖啦！🤩
另外小編都想分享多少少：
最近市面上有啲記帳Apps可以連落去你嘅銀行、保險、強積金戶口等等方便我哋記帳😮，因為佢係自動將經過銀行處理嘅金額記落去個Apps度，唔需要我哋逐筆逐筆咁入✍🏻；不過呢啲Apps雖講話採用安全性極高嘅系統去保障用戶資料，但佢哋係冇正式得到銀行嘅API🏛，只係以用戶嘅名義去拎銀行嘅資料，用呢啲Apps時要登入自己嘅戶口號碼同密碼🔑，安全性問題大家就見仁見智啦。
但係小編我都係鍾意自己一筆一筆咁記帳😚，一嚟成日用信用卡俾錢冇咩洗錢嘅實感，記帳會令我清晰知道我有一筆錢洗咗出去！二嚟每入一筆數都會見到自己嘅支出金額，睇住支出金額越來越多，就會想控制自己唔再洗咁多錢！🤣自從小編開始記帳後，支出的確係比之前少，知道自己收入同支出係理財必不可少嘅部份，所以記帳真係好重要！🥳唔知大家又鐘意邊類記帳呢？🤔
最後小編都分享下自己覺得唔錯嘅記帳APP啦🧐（絕冇廣告成份）：天天記帳、Money+ （小編用緊）、MoneyPro
Comments