「失咗業...生活費點算？」
「點先有足夠嘅收入？」
之前就講到被動收入同財務自由嘅關係，今日就繼續細講咩係被動收入！大家應該知道就算唔番工都可以賺到現金流收入就叫被動收入；相反，主動收入，就係指您需要用勞力同時間去賺錢，但一旦發生意外或病左做唔到嘢就會冇收入。
被動收入可以係投資股票、配息型基金、債券、出租等等，甚至可以係做YouTuber、出電子書。
冇被動收入，就會變成「負被動收入」，顧問思義就係被動收入比必要開支少。即使人工再多，通過壓力測試成功上樓又成功買車，但被動收入係 $0嘅話，一旦被裁員，或有意外無法工作，按揭同車會將會成為沉重嘅負擔，太大嘅「負被動收入」會令人生活變得唔穩定，相反，有被動收入可以係發生意外時大大降低意外嘅打擊。
事實上，香港平均人工遠遠追唔上物價通脹，工作時間越嚟越長，但人工加幅就越嚟越少，「以時間換金錢」已經唔可以套用係現今嘅香港社會，以前細個成日講知識改變命運 ，讀好書入間好大學，再搵份好工作就可以賺大錢，可能唔少人都有聽過父母講：
「搵份政府工唔使愁，年年加人工！」
腳踏實地同穩陣，係唔少老一輩人嘅思想，但事實上大部分人努力返工都未必變得有錢，甚至提早擔心自己退休冇錢洗，萬一失業更加維持唔到生計，只好日復一日、年復一年咁返工放工，呢個真係您想要嘅生活？
小編心唸：NO WAY！！！！！！！！！
都係要快啲創造自己嘅被動收入來源先！
Comments