深信好多人努力工作嘅最終目標係財務自由，小編之前以為財務自由係指自己努力儲到一筆錢後退休無需再為賺錢而工作，係咪好多人同我嘅唸法差唔多呢？
其實呢句只係部分正確：的確，儲蓄係啱，唔洗再返工亦啱，但真正嘅財務自由係指個人嘅被動收入超過自己嘅日常開支嘅兩倍，唔返工仍然可以獲得持續性嘅收入。財務自由並唔係指一個人變得好有錢，而係唔洗再被工作綁住，有更多時間想自己想做嘅嘢，唔駛日日再睇老細面色！當然講就容易做就難，畢竟希望財務自由嘅前期投資都需要有一大筆資金，所有嘢一開始都要先靠努力工作賺錢，之後先再一步一步完成自己財務自由嘅目標。
如果都係覺得財務自由對而家嘅您嚟講太虛嘅話，不妨由簡單嘅理財開始做起，慢慢接觸： 1. 訂立儲蓄目標，出糧後即刻儲起人工 呢點已經一直講，儲蓄一直係理財最基本嘅概念，如果您月尾先將用剩嘅錢儲起來，冇控制自己儲錢嘅情況下好容易洗好多都唔知，最後好難成功儲到錢。
唔好依賴信用卡，用完記得找卡數 2. 「碌卡」誘惑實在太大，太方便又冇用現金嘅實感，好容易會唔小心碌大咗；碌嘅時候確保自己有能力還錢，絕對要準時還錢，唔可以還MIN PAY。
3. 設立應急基金應付突發情況 盡早開始儲蓄，金額可以應付半年至一年嘅生活費，如果真係遇上緊急情況，好似受傷做唔到嘢又或者失業，就可減輕財務壓力。當緊急情況過去之後，就要重新再儲多筆應急基金。
4. 買保險保障自己未來人生 啱啱出嚟做嘢俾朋友SELL或覺得自己好健康唔想俾筆錢買保險，但意外預計到就唔叫意外啦，萬一出事成副身家擺哂係醫療費就好唔抵啦，買保險可以令自己無後顧之憂，不過記得要量力而為。
5. 先學習財務同投資知識裝備自己 雖然一開始對財務同投資知識唔多，畢業冇耐又冇錢投資，又驚自己投資蝕錢，但係您依然可以係真正投資前先學下投資，無論睇片睇書定玩吓模擬投資，都可以加深你對投資嘅知識同操作，當你有自己第一筆錢後真唔會手忙腳亂唔知自己要點投資啦！
最後，小編唔係鼓勵大家偷懶唔工作，多啲了解同打造被動收入，當你嘅被動收入多過人工同開支之後，就係你實現財務自由嘅日子！ 無咩事，聽日記得準時返工啦！！
Comentários