我申唔申請到電子消費券？點樣申請電子消費券？點樣拎錢？分咁多期拎錢我幾時先可以拎到錢？有咩地方可以用電子消費券？
定啲嚟定啲嚟，先前都有同大家提及過申請$5000電子消費券嘅工具既(傳送門: https://bit.ly/3wOGjPF )，亦有同大家詳談一吓點用八達通拎$5000電子消費券(傳送門: http://bitly.ws/eWws )，眼見7月4日越嚟越近，依家就等小編送一個$5000電子消費券最全方面最詳細懶人包俾大家，等大家了解多啲，成功申請一齊拎$5000去買買買！ 唔多廢話，即刻去正片！
合資格申請人士： 居港嘅18歲以上市民及新來港人士均可申請，有申請或正領取其他津貼援助嘅綜援人士；已破產人士（需須定期向受託人報告他／她在破產期間所取得嘅任何財產嘅詳細資料）亦可申請。 登記申請方法：
電子登記： 政府將設立一個中央登記系統( www.consumptionvoucher.gov.hk )，俾市民以電子方式進行登記 步驟1：在政府登記網站核實身分，可透過政府「智方便」平台或一次性密碼核實身分 步驟2：選擇儲存電子消費券嘅電子支付工具 步驟3：領取電子消費券 如果已經登記過一萬蚊現金派發計劃只係需要回答兩個保安問題： 1. 當時登記嘅電話號碼最後四個數字 2. 當時收款銀行帳戶最後五個號碼或收取支票郵局
書面登記： 於以下途徑取登記表格：唔接受郵寄、需更多時間先可以收到電子消費券 ⇢ 6月28日起到網站( www.consumptionvoucher.gov.hk )下載或於各郵局、民政事務總署或福利署辦事處等拎表格 ⇢ ７月５日起於辦公時間將表格連同身份證副本投進郵局或指定銀行（中銀、東亞、匯豐、恒生及渣打）收集箱 ⇢登記資料：姓名、身分證號碼、身分證簽發日期、電話號碼、給選擇支付工具、作出居港聲明
想知道想用邊個電子支付方法拎$5000電子消費券最抵？唔洗急，小編下篇就會整理唔同電子支付錢包嘅優惠出嚟，等大家揀啱自己嘅電子錢包，就萬無一失啦！
Comments