究竟啲OT錢、雙糧花紅等等「額外收入」嘅申請人會唔會被銀行界定為非固定入息人士，從而影響自己九成按揭呢？等今日小編逐個逐個同大家解釋啦！
花紅 答：唔屬於非固定收入 銀行同按保公司會要求申請人提供最近兩年顯示花紅金額嘅公司糧單同埋薪金入帳紀錄，去計算返每月平均入息，不過要留意嘅係花紅佔總入息嘅比例不唔可以過高，而金額亦唔可超過月薪三倍。
加班津貼(OT) 答：屬於非固定收入 申請人需要提供最近半年至一年嘅薪金出糧證明，銀行會視乎OT係唔係長期持續，先會拎其平均數作為每月入息。如果申請人需要計埋OT錢先通過到按揭入息要求，咁只可以申請最多8成嘅按保計劃。
雙糧 答：唔屬於非固定收入 因為雙糧通常會列明係僱傭合約內，所以申請人只需提供相關證明例如僱傭合約或者糧單，就可以將其雙糧除以12個月計入每月平均入息，唔會對申請九成按揭有影響。
津貼 答：視乎情況而定 津貼要視乎僱傭合約上嘅津貼條款，如果每月津貼金額相同，就可以直接當入息計算而唔洗打折；如果每月津貼額不同，則會被視為非固定收入；如果寫明有租樓先有津貼嘅話，就唔可以計入入息。
保證佣金 答：視乎情況而定 雖然佣金係非固定收入，但保證佣金則可以計入人息而唔影響九成按揭成數，但要留意通常保證佣金係有時限，而銀行亦會留意申請人嘅工作行業，如果申請人嘅行業容易受經濟影響，導致保證佣金變得唔穩定時，銀行可能會當所有保證佣金為浮動收入，最多只能申請八成按揭。
如果希望申請九成按保計劃，基本條件係申請人要有固定入息，亦係首次置業嘅香港人，有齊晒銀行同按保所需文件就可以申請，文件方面大家有興趣可以睇返我哋出過嘅文章（傳送門：https://www.facebook.com/198Mortgage/posts/284059733720794 ），如果申請人本身係非固定收入人士，最高嘅按揭成數係八成，如果非固定收入人士想知道自己嘅上車條件，同樣可以留意我哋198小教室知更多相關資料！（傳送門：https://www.facebook.com/198Mortgage/videos/398440115112406/ ）
------------------------------------------------- 搵樓格價必備 - 198理財App 立即下載： IOS: https://apps.apple.com/....../198%E7%90....../id1586752350 Android: https://play.google.com/store/apps/details...... ------------------------------------------------- Follow埋我哋既Facebook 、Instagram同YouTube，了解更多按揭理財新概念，做個精明新世代！ Facebook: https://www.facebook.com/198Mortgage/ Instagram: https://www.instagram.com/198Mortgage/ YouTube: 198finance https://bit.ly/3fGoCMX
Comments