疫情持續令失業率屢創新高，唔少打工仔都面對減薪、停薪壓力，甚至係畀公司裁員嘅壞消息！ 點搞啊，荷包縮曬水啊！定啲嚟定啲嚟，今日等小編分享下自己嘅「究極級慳錢秘笈」啦~
1. 每個月自動轉賬人工嘅一半入儲蓄戶口。
小編曰：「有錢喺手，啲錢即走。」，自動轉賬幫你喺不知不覺間儲入一半既人工，仲無得隨意拎出嚟用，大大減少手頭上嘅流動資金，再扣埋必要嘅日常開支，咁就焗住無得再咁大洗啦~
2. Delete曬啲網購APPS啊！
疫情下收入少咗但開支仲大咗？哦~間間鋪轉戰網上市場，仲搞大減價，點忍啊！？定力少啲都搞唔掂！咁不如自己Delete先，阻擋所有誘惑啦~
3. 出街唔用信用卡、唔㩒錢。
每個月計定自己必要洗費嘅金額加少量應急錢，如非必要之後都唔好㩒額外既錢，限制住自己嘅洗費，咁就可以逼自己「應洗先洗」啦。
4. 平民化休閒活動。
染髮 $700，gel甲 $400，去gym room $500...加加埋埋都千幾二千蚊㗎！但如果將去gym room做運動改為去落樓下跑步，去salon染髮改為自己買染髮劑染，咁就慳返唔少啦~
要忍得住手真係唔易㗎！但除咗要識得量入而出，仲要識得積穀防饑！係呢個荷包縮水嘅時期一齊進行「慳的修行」啦！
------------------------------------------------------------------------
想知更多按揭TIPS，快啲追蹤& like我哋嘅198專頁，緊貼最新金融走勢啦!
Comments