D先生最近同小編講，佢想買800萬嘅樓，過到壓力測試😋，收入證明冇問題🤩，信貸報告拎A👍，銀行實批到9成按揭，仲要有1.2%現金回贈，正🥳🥳！但係等銀行批到筆數後，竟然發現個貸款額少咗😳😳？？
就等小編同大家講吓點解啦！😎
今年樓市氣氛持續上升，令銀行對按揭嘅態度變得越來越積極🥴，作為一個置業人士係揀用邊個嘅按揭產品時，除咗按揭利息，銀行嘅現金回贈都係重要嘅考慮因素🤩，有見及此，為咗搶佔更多嘅優質客戶👩 🧑，銀行都會提高自己嘅現金回贈。而家銀行嘅現金回贈大多數都有1%或以上，想買樓嘅人聽到梗係開心啦，不過大家要小心嘅一點就係，超過1%嘅現金回贈或者有機會增加額外首期開支，分分鐘需要要「抬錢」先上到會😱！
好似D先生個案例咁，9成按揭嘅貸款額理應係$7,200,000，但銀行最後批到嘅貸款額係$7,113,600🤯。原來係金管局嘅指引下，銀行向借款人提供嘅現金回贈都設有最高水平🤔，如果所提供嘅現金回贈超過1%嘅話，銀行審批按揭成數個陣，成個回贈金額係必須包括係貸款額內作計算㗎😣😣！
即係話，D先生原本嘅現金回贈有$86,400，但因為現金回贈係1.2%，所以最後貸款額會變成$7,200,000 - $86,400 = $7,113,600😥。D先生需要係首期個陣俾多$86,400，等成個物業買賣手續完成後銀行先會俾返現金回贈D先生㗎😤！大家都要留意，特別係首期資金緊絀嘅買家，一定要考慮埋現金回贈，計清楚所需預算啊！免得到時唔小心失咗預算，搞到自己手忙腳亂🧐🧐！
Comments