以為申請咗按揭就搞掂曬，可以輕輕鬆鬆等做業主？ 等陣先！幫您層樓買咗保險未？ 身為準業主嘅M先生就問有咩保險要買？ 係咪一定要買？ 佢哋有咩分別？ 今日等小編同大家講解吓最常見嘅 「火險」同「家居保險」啦！
火險 火險主要保障天花、地板、牆身等物業本身固定建築部分嘅損失。銀行為咗保障自己，一般會要求您要求您喺申請按揭時為您嘅物業買火險！部份大型屋苑嘅管理公司已幫物業買咗火險，咁您就只需要喺管理費入面支付返就可以啦~
家居保險 家居保險主要保障物業內傢俬、電器等家居財物同個人財物嘅損失。佢覆蓋嘅範圍就較大，唔單止包括天災、房屋破損而導致嘅天花或水管破裂、襲擊、盜竊同其他一齊由意外帶嚟嘅財物損害，仲包埋第三者責任保險。第三者責任保險即係申請人及其同住家人因物業而導致第三者身體或財物受損所需要作出嘅賠償，例如鋁窗脫落所造成嘅人命傷亡。
保費計算 保費嘅計算好簡單，大多數公司主要係根據您所需嘅保障額度同單位嘅建築面積而定。
M先生聽完小編講就咋咋淋去睇邊間保險公司好，搞掂咗保險，有起咩事上嚟有都有個保障~ 等批埋按揭就可以安心做業主啦~ ------------------------------------------------- Follow埋我哋既Facebook 同YouTube，了解更多按揭理財新概念，做個精明新世代！ Facebook: https://www.facebook.com/198Mortgage/ Instagram: https://www.instagram.com/198finance/ YouTube: 198finance https://bit.ly/3fGoCMX
Comentários