最近K先生準備入市，睇啱一個樓盤想做9成按揭，計過壓力測試差少少先過關，所以打算搵佢哥哥幫手做擔保人🧑🤝🧑，不過哥哥身上仲有按揭未供完，根據金管局嘅規定，無論係抵押人、借款人定係擔保人，只要身上有任何類型嘅香港物業按揭，係新物業嘅按揭成數就要減一成，K先生聽到即刻好不安咁問198按揭，因為佢淨係準備咗一成首期同埋印花稅等等嘅雜費😢！
定啲嚟定啲嚟，其實K先生仍然可以做到9成按揭嘅😯！
係「林鄭PLAN」出現之前，1000萬樓下嘅物業銀行最多只可以做六成，而按揭保險計劃嘅出現，係為銀行提供按揭保險，令銀行可以提供高成數的嘅按揭貸款而毋須承擔額外嘅風險，即係我哋所知嘅「八成按揭」以及「九成按揭」，而上面提及到嘅金管局「減一成」嘅規定只係指銀行自己原本嘅按揭成數，即係K先生只可以係銀行申請五成按揭，不過由於K先生係首置人士，買嘅係香港自住物業，加上文件齊全，所以佢仍然可以透過按揭保險計劃申請九成嘅高成數按揭😆！但需要留意嘅一點係，因為比起正常情況，K先生需要做多一成嘅按揭保險，所以佢嘅按揭保費會貴啲㗎💰！
大家都可以睇返圖二以及圖三按揭保費嘅差別（資料來源：香港按揭證券有限公司 https://bit.ly/2YNZnC8），至於計法我哋之前都有出過👇
同樣道理，如果申請人自己有個非住宅物業嘅按揭在身，例如工廠🏭商鋪🏢等等，只要申請人係第一次買香港自住物業，一樣可以申請到高成數（九成）按揭！
另外198按揭都想提提K先生同埋大家，記得買樓首期千祈唔好預得咁緊，即使您打算做九成按揭都好，起碼留多一成後備首期，以免遇上突然情況銀行批唔足就要撻訂。大家如果有同樣問題嘅話，一定要計清楚個預算先好去申請銀行按揭，又或者申請前向我哋專業嘅按揭顧問查詢啦😉！
-------------------------------------------------
👇Follow埋我哋既Instagram 同YouTube，了解更多理財新概念，做個精明理財新世代！
📍Instagram: https://www.instagram.com/198mortgage/
📍YouTube: 198finance
-------------------------------------------------
👇Follow埋我哋既Facebook 同YouTube，了解更多理財新概念，做個精明理財新世代！
📍Facebook: https://www.facebook.com/198Mortgage/
📍YouTube: 198finance
Comments