A小姐表示：「大鑊啦大鑊！我個擔保人突然破咗產啊！我係咪要俾銀行call loan啦！」，小編表示聽到都登佢驚一驚啊，！今日我地一齊睇吓如果擔保人破產對您嘅按揭會有咩影響，同埋如果破過產又可唔可以做擔保人。🤔
假設 L 小姐係 A 小姐嘅擔保人，當 L 小姐一申請破產，銀行同 A 小姐就會即刻收到通知，而 L 小姐亦都唔可以再作為擔保人🙅🏻♀️。咁 A 小姐會遇到咩問題呢？
A 小姐會被銀行重新評估佢哋剩餘按揭嘅供款風險，如果A小姐可以通過到評估，雖然銀行會允許 A 小姐維持現有嘅按揭狀況，但通常仍需要增加一位擔保人。但如果新嘅擔保人P小姐唔能夠通過銀行嘅評估，有可能會被要求立即 call loan📞，咁就大鑊啦！🤯
而如果 P 小姐係曾經破產，又可唔可以成為 A 小姐嘅擔保人呢？
如果 P 小姐已經解除破產令有一段時間，而呢段時間亦足以證明佢有一個好嘅信貸評級🅰️，同時亦有齊入息證明等嘅文件📄，咁就好大機會可以成為擔保人啦～而如果個別銀行唔接受，A小姐同P小姐都可以去其他銀行試吓申請轉按🔄，再申請P小姐成為擔保人，有部分銀行係會接受㗎！千奇唔好灰心啊！💪🏻
Comentários