今次要分享嘅case由J小姐提供~ J小姐表示佢最近收到心儀已久嘅曼谷工作offer😍，表示人 一世物一世點都要走出香港見識吓！但J小姐係香港就有一個自住物業，佢打算將物業喺香港出租，自己再入手一個高CP值嘅泰國樓，到時返咗黎香港都可以繼續收租💰，仲可以閒時過去渡假同留返嚟退休用～
但J小姐就驚自己唔係香港，第一次出租自己嘅物業，驚遇到租霸拖租自己又唔喺香港處理唔到，到底點算好啊？😫
其實最簡單嘅方法當然係J小姐搵屋企人幫手睇住個物業同埋代理收租啦，但要小心嘅係J小姐必須交托比佢信任嘅人啊，如果唔係立心不良嘅代理人分分鐘可以趁J小姐唔喺香港，假冒業主賣咗層樓出去㗎！🤯而如果J小姐喺外國突然想賣咗個物業但又唔方便返嚟香港親自辦理，可以簽署一份信託聲明書授權代理人處理📄，但如果授權咗全權俾代理人處理財產，授權人喺可以賣、出租、抵押咗層樓㗎，所以一定要搵個絕對信任嘅人！🤝🏻
如果無相熟嘅人可以代理的話坊間都有好多銀行或機構提供租務託管嘅服務既！但就會按租金收返相對百分比嘅管理費啦。仲有，喺香港賣外國樓嘅地產經紀係毋須持有香港嘅地產代理牌照㗎，所以J小姐喺買泰國樓個陣要小心啲check吓公司背景啊！如果唔係佢突然執咗就投訴無門啦！😨 #198理財 #198finance #198按揭小助手 #198理財小助手 #理財篇 #放租 #泰國 #假冒業主 #信託聲明書 #代理 #出租 #抵押 #租務託管 #海外物業
Comments