你有無曾經㩒過一啲不名來歷嘅連接又話者瀏覽啲唔安全嘅網站甚至喺入面輸入信用卡資料付款呢？ 如果有，就要打醒十二分精神，小心陷入「網絡釣魚」騙案啦！
「網絡釣魚」係指騙徒透過偽裝成某個人並欺騙苦主㩒連結、輸入信用卡等資料，從而再盜用佢哋信用卡嘅資料喺網上購物。據資料顯示， 2020年「網絡釣魚」嘅案件就高達3,483宗。
有專家表示，案件損失係咪由苦主承擔需要視乎個別案件而定。過往，銀行多數會承擔部分損失，但「網絡釣魚」騙案係由事主主動填寫信用卡資料，銀行係有權唔負責㗎！但如果購物模式同持卡人過往有好大分別，銀行都會因應情況再作決定。所以就算一卡在手，我哋都要謹慎使用，減低遭受金錢損失嘅可能！例如係降低信用卡嘅限額同埋緊記得唔好喺任何唔安全嘅網站輸入信用卡資料，唔係分分鐘可能會無咗幾萬蚊㗎！
如果咁唔好彩發覺信用卡可能被盜用，應該要盡快通知發卡機構有關未授權交易以及涉及金額，並要求Cut卡再報警處理！
參考資料來源：
Comments